قصيدة اليوم بعنوان ( ابويا وابوك )
ومين فى الدنيا السند غيره
ابوك لو ضاع منين تجيب غيره
وكنت صغير ويشيلك على كتافه
كبرت وبقيت راجل وكله من خيره
ابوك الأمان والحنان والقوه
ابوك المرجله وحنيته فى القلب من جوه
ووقت ماتجور عليك الايام
بيمدك ابوك بالقوه
تعلمت فنون الكلام منه
وفالمجالس يقولو كلامه أكبر من سنه
علمنى وقت الشده اكون راجل
علمنى بين الرجال ناخد حقى بلسانى
علمنى وعلام ابويا هو اللى علانى
علمنى كتر الكلام بيكون كمالة عدد
ووقت مالناس تسالنى انت مين
وقبل ما ارد غيرى يقول هذا الشبل من ذاك الأسد
ومين غير ابويا ربانى
علمنى االعيبه متطلع من لسانى
انا ابن الخفاجى والحاج ربانى
خيري الاب عالاصول ربانى
علمنى حب الناس ووصانى
وقالى محبة الناس كنز مش فانى
اياك فى يوم غضبك تزعل ابوك
لا اخت نفعاك ولا حتى اخوك
اوقف قدام ابوك ووطى وبوس ايده
واياك تنسي لحظه مرجلتك نشات على ايده
بقلم شاعر الصعيد /حمادى الخفاجى ال خفاجى
